రజనీకాంత్ పేట ఆన్ లైన్ లో లీక్

సూపర్ స్టార్ రజనీకాంత్ నటించిన పేట చిత్రం ఈరోజు విడుదల అయిన విషయం తెలిసిందే . అయితే ఈ సినిమా మొత్తం ఆన్ లైన్ లో లీక్ చేసి సంచలనం సృష్టించారు తమిళ రాకర్స్ . గతకొంత కాలంగా తమిళ రాకర్స్ ప్రతీ పెద్ద సినిమాని పైరసి చేస్తూ దర్శక నిర్మాతలకు చుక్కలు చూపిస్తున్నారు . తమిళనాడు పోలీసులు , ఇతర అధికారులు అలాగే చిత్ర పరిశ్రమకు చెందిన పెద్దలు ఎంతగా పైరసీ ని అరికట్టడానికి ప్రయత్నాలు చేస్తున్నా తమిళ రాకర్స్ మాత్రం ఎక్కడా తగ్గడం లేదు .

అంతేకాదు పక్కాగా హెచ్ డి క్వాలిటీ ని ఆన్ లైన్ లో పెట్టేస్తున్నారు , దర్శక నిర్మాతలకు , హీరోలకు సవాల్ విసురుతూనే ఉన్నారు . తాజాగా రజనీకాంత్ నటించిన పేట చిత్రాన్ని కూడా పైరసీ చేసి పడేసారు తమిళ రాకర్స్ . పైరసీ చేయడం వల్ల నిర్మాతలకు తీవ్ర నష్టం జరుగుతోంది కానీ ఎన్ని చర్యలు తీసుకుంటున్నా పైరసీ ని ఆపలేకపోతున్నారు .

English Title:  Tamil Rockers leaks Rajinikanth’s  Petta